noor <3

السلطه هذه رهيببهه مره بتكون ادماني الجديد المقادير: لتتبيله الدجاج: تبلت صدور الدجاج بسيراتشا، عسل، ثوم، ملح، فلفل، بصل بودرة، بابريكا، ليمون، زبادي، وزيت زيتون، وشويتهم على النار مع شوية زيت. و الصوص عباره عن زبادي، ليمون، سيراتشا، مايونيز، ثوم، ملح، فلفل، وشويّة زيت زيتون. السلطة اضفت فيها الاشياء اللي احبها : ذرة (حمصتها مع شوية زبدة) ، جرجير، مكرونة مسلوقة ، بصل أخضر وبقدونس، واضفت عليهم الصوص وخلطتهم مع بعض . للتقديم : قدمت السلطة مع الدجاج اللي سويته ، ورشيت فوقها البانكو، شوية بصل أخضر، نقطة سيراتشا، وحبة سودا 🌟البانكو: (خبز ياباني مقرمش) حمصته على النار مع شويّة زيت زيتون ورشة ملح، لين صار لونه ذهبي. ( اختياري بس يعطي نكهه لذيذه لسلطه ) وبس عليكم بالف عافية ❤️ - - - - -#اكسبلور #الشعب_الصيني_ماله_حل😂😂 #السعودية #وصفات #سلطة #وجبات_صحية #fypシ #viral #جوع_اخر_الليل #غداء #عشاء #الشرقية #جده #الرياض #اندومي #foryou #foryoupage #Recipe #salad #jungkook

الوصفه هذه بتكون ادماني الجديد لذيذذذه مره وباربع مكونات بس! 🍋 @Al Osra Sugar سكر الأسرة والأحلى؟ إني استخدمت سكر الأسرة فتنس نص كمية السكر، بس نفس طعم الحلاوة خفيف على النفس، وطبيعي ٩٧٪ من ألذ الحلويات اللي جربتها هالصيف، بدون مبالغة! لازم تجربونها ( اعلان) المكونات: • ٣ ليمونات ( استخدمت الليمون الافريقي حجمه اكبر و نكهة الحموضه فيه اقل ويكون حالي اكثر ) • كاس كريمة خفق • ٣ ملاعق سكر (استخدمت سكر الأسرة فتنس) • ملعقة صغيرة فانيلا • توت ونعناع للتزيين (اختياري) ⸻ الطريقة: أفرغ الليمون واخلي القشر على جنب ، والعصير احتفظ فيه في قدر، حطيت الكريمة والفانيلا والسكر وقشر الليمون، وسخنتهم شوي لين تبدأ الكريمة تسخن، مااخليها تغلي. اطفي النار، واضيف عصير ليمونة وحدة واخلط . صبيت الخليط داخل قشور الليمون، ودخلتهم الفريزر ساعة ونص أو الثلاجة ٣ ساعات. وقت التقديم، رشيت شوية سكر وذوبته بالولاعة (اختياري)، وبس زينت بالتوت والنعناع. وعليكم بالف عافيه ❤️ . . . . . . . #اكسبلور #الشعب_الصيني_ماله_حل😂😂 #السعودية #وصفات #fypシ #حلا #حلا_بارد #viral #جوع_اخر_الليل #الشرقية #جده #الرياض #صيف #foryourpage #foryou #dessert #ليمون #ايسكريم #اكل #طبخ #وجبات_صحية #دايت

اتعب وانا اقول السلطه هذه لذيذذه ! 🩷🩷 🍤 للروبيان : غسلت الروبيان ونشفته كويس، وتبلته بملح، فلفل، بابريكا، بودرة ثوم وبصل، ورشة شطة. كسرت عليه بيضة وخلطته زين بعد كذا غمّسته في البقسماط الياباني (بانكو) وضغطت عليه شوي، بعدين دخلته القلاية الهوائية على حرارة ١٨٠ لمدة ١٥ دقيقة، لين صار لونه ذهبي ومقرمش ⸻ 🍚 للكينوا: غسلت الكينوا، وحمّصتها شوي بزيت زيتون وثوم، بعدين أضفت موية وغطّيت القدر وتركتها على نار هادية لين استوت الحبة ونشفت الموية ⸻ 🥬 لسلطه: قطّعت الخس، الجزر، الذرة، الرمان، والبصل الأخضر. واضفت الكينوا بعد مابردت مع الخضار وخلطتهم كلهم مع بعض ⸻ 🥑 لصوص البارد: في الخلاط حطيت نص أفوكادو، فص ثوم، نص بصل أبيض، عصير ليمونة، علبة زبادي يوناني ، رشة ملح وفلفل اسود خلطت لين صار القوام كريمي، وصبيته فوق السلطة وقلّبت كل شي مع بعض. ⸻ 🌶️ لصوص الروبيان الحار: على نار هادية، ذوّبت زبدة وأضفت شطة وكاتشب وعسل قلّبتهم شوي لين صار الصوص ناعم، ودهنت فيه الروبيان بعد ما طلع من القلاية وهو حار. ⸻ 🍽️ للتقديم : في طبق التقديم، حطيت السلطة، ورتّبت الروبيان على الجوانب رشّيت فوقه بصل أخضر، سمسم، وحبة سوداء وبس عليكم بالف عافيه !🩷 . . . . . . . #اكسبلور #الشعب_الصيني_ماله_حل😂😂 #السعودية #وصفات #سلطة #سلطة_روبيان #سلطة_صحية #وجبات_صحية #اكل #اكسبلورexplore #جوع_اخر_الليل #اندومي #الشرقية #جده #الرياض #fyp #foryourpage #salad #shrimp #healthyfood #shrimpsalad #viral #cairokee

لذيذذ مره واللحمه تررفه❤️ المقادير: لسلق اللحم: • لحم غنم أو عجل بالعظم (الأفضل يكون من الفخذ أو الرقبة أو موزات بحجم كبير – العظم يعطي نكهة الذ للمجبوس، بس أنا استخدمت اللي كان متوفر عندي) • بصل، طماطم، ثوم • بهارات حب (ورق غار، مسمار، قرفة، هيل، يانسون، فلفل أسود) • قطعة زنجبيل صغيرة الحشوة: • بصل • حمص مجروش (مسلوق) • ملح، فلفل أسود، لومي، قرفة، هيل • زبدة منقوع الزعفران: • زعفران منقوع بثلج (وممكن نضيف له مكعب زعفران) خليط دهن اللحم: • منقوع زعفران • زيت • قرفة • هيل مطحون الدقوس: • زيت، ثوم، معجون طماطم، عصير طماطم • ملح، فلفل أسود، كزبرة، كمون ⸻ الطريقة: 1. نسلق اللحم مع البصل، الطماطم، الثوم، البهارات، والزنجبيل. نشيل الريم ونغطي عليه لين يستوي (أو نستخدم قدر الضغط ٤٥ دقيقة). 2. نطلع اللحم، نصفي المرق، ونضيف عليه الرز (منقوع مسبقاً ساعة) ونغطيه ١٠ دقايق. 3. ندهن اللحم بخليط (منقوع الزعفران + زيت + قرفة + هيل) وندخله الفرن يتحمر ١٠ دقايق. 4. نجهز الحشوة: نحمر البصل مع الزبدة والحمص ونضيف له البهارات. 5. بعد ما استوى الرز، نضيف عليه منقوع الزعفران، ونحط فوقه اللحم والحشوة، ونغطي القدر ونخليه على نار هادية جداً لمدة ٢٠ دقيقة. 6. الدقوس: نحمر الثوم، ونضيف باقي المكونات ونخليه يتسبك شوي. وعليكم بالف عافيه! . ( اهل الكويت اعذروني لو في اي غلطه بالوصفه ❤️) : . . . . . . . . #اكسبلور #اكسبلورexplore #الشعب_الصيني_ماله_حل😂😂 #fypシ゚ #foryoupage #وصفات #جوع_اخر_الليل #recipes #food #السعوديه🇸🇦 #viral #مجبوس_لحم #مجبوس_كويتي #rice #كبسة #سلطة #الخبر_الشرقيه #الرياض #foryoupageofficiall #fyppppppppppppppppppppppp #dinner #عشاء #غداء

بعد عناء ومحاولات كثير فاشله اخيراً ضبط معي البراونيز!! 💗💗 ( اتراجع عن كلامي اكتشفت من تعليقاتكم اني لسه ماضبطته 💔😢😞)المقادير : • ٣/٤ كوب (١٧٠ جرام) زبدة غير مملحة • ٣/٤ كوب (١٣٥ جرام) شوكولاتة دارك • ١ كوب (١١٠ جرام) طحين منخول • ١ كوب (٢٠٠ جرام) سكر أبيض • ١/٢ كوب (٩٠ جرام) سكر بني • ١/٢ كوب (٤٠ جرام) كاكاو بودرة منخول • ٣ بيضات كبيرة (١٧٠ جرام ) • ١/٢ ملعقة صغيرة ملح الطريقة: 1. أول شي نذوّب الزبدة على النار لين يصير لونها بني وتعطي ريحة لذيذة. 2. نضيفها على الشوكولاتة ونقلب لين تذوب تماماً. 3. في طاسه ثانية ، نخلط مره كويس البيض مع السكر الأبيض والبني لين يصير لونهم فاتح. 4. نضيف عليهم خليط الشوكولاتة (لازم يبرد قبل مانضيفه) ونخلط. 5. بعدها نضيف الطحين، الكاكاو، والملح ونقلب لين يندمج كل شي. 6. نصب الخليط في صينية مبطنة بورق زبدة. 7. ندخلها فرن حار على ١٨٠ لمدة ٣٥ دقيقة. 8. نتركها تبرد تماماً قبل مانقطعها. واحلى شي تقدمونها مع القهوه السعوديه 🇸🇦 وعليكم بالف عافيه❤️ - - - - - - - - - - - #اكسبلور #اكسبلورexplore #fypシ゚ #foryoupage #الشعب_الصيني_ماله_حل😂😂 #جوع_اخر_الليل #وصفات #وجبات_صحيه #براونيز #كيكة #recipes #food #السعوديه🇸🇦 #الخبر_الشرقيه #اندومي #حلا #viral

عيدكم مبارك وكل عام وانتم بالف خير و الله يجعل أيامكم كلها فرح وسعادة يارب❤️ اللي وده يسوي حلا للعيد يكون سهل ولذيذ يجرب الوصفه هذه مرّه بسيطه 👾 المقادير: - • بسكويت مالح - • بيكان أو لوز أو أي نوع مكسرات تفضلونه - • سكر - • زبدة - • كريمة خفق أو قشطة - • رشة ملح - • شوكولاتة مذابة - • توت (للتزيين) - الطريقة: - حمّصت البيكان وكسّرته، وبنفس الطاوة ذوبت السكر بدون تحريك، بعدين أضفت الزبدة والكريمة وخلطتهم لين صار كراميل - رجعت أضفت البيكان فوق الكراميل وخليته يبرد على جنب - صفّيت البسكويت المالح وحطيت فوقه شوي من الكراميل وبعدين الشوكولاتة الذايبه و رشة ملح وزينته بالتوت - دخلته الثلاجة يبرد كويس مره واهم شي قدمته مع القهوة السعودية 🇸🇦 وعليكم بالف عافيه ❤️❤️ . . . . . . . . . . . . . #اكسبلور #الشعب_الصيني_ماله_حل😂😂 #جوع_اخر_الليل #السعودية #العيد #عيد_سعيد #عيد_الاضحى #شوكولاتة_العيد #حلا #حلا_سهل #وصفات #السعوديه🇸🇦 #عيديه #اندومي #fypシ゚ #foryoupage #viral #Recipe #foryou #eidmubarak #eiduladha #saudiarabia #dessert #chocolate #happyeid #viral #food #يوم_عرفة #السعىودية #اكسبلورexplore #اكسبلوررررر

اشكر البنت العسل اللي ارسلت لي الوصفه علشان اجربها ❤️لذيذه ! المقادير: الطبقة الأولى: • نص كوب زيت • نص كوب حليب • نص كوب سكر • بيضتين • فانيليا + رشة هيل • 2 كوب بسكويت شاي مطحون • ملعقة صغيرة بيكنج باودر الطبقة الثانية: • نص علبة حليب نستله • 8 حبات كيري الطبقة الثالثة (صوص التفاح): • ربع كوب سكر • نص كوب موية • ملعقة صغيرة قرفة • تفاح مقطع صغير • ملعقة كبيرة نشا مذوبة بشوي موية ⸻ الطريقة: 1. نخلط بالمضرب أو الخلاط: الزيت، الحليب، السكر، البيض، الفانيليا، الهيل. 2. نضيف البيكنج باودر والبسكويت ونخلطهم. 3. نصب الخليط في القالب وندخله الفرن على حرارة 180 لمدة 15-20 دقيقة، ونحمره من فوق. الطبقة الثانية: 4. نخلط الحليب مع كيري ونوزعه فوق الكيكة الطبقة الثالثة: 5. نحط السكر، الموية، القرفة، والتفاح على النار. 6. لما يغلي نضيف النشا ونحرك لين يثقل. 7. نصب الصوص على الكيكة وعليكم بالف عافيه ❤️ . . . . . . #اكسبلور #الشعب_الصيني_ماله_حل😂😂 #جوع_اخر_الليل #السعودية #حلا #كيكة #كيكة_سهلة_وسريعة #كيكة_لذيذة #حلا_سهل #وصفات #طبخ #السعوديه🇸🇦 #fypシ゚ #foryoupage #viral #Recipe #cake #applecake

اعتقد اعتقد هذه اكثر وصفة حللتها ☝🏻 لذيذه مره وخفيفه ومافي اسرع منها - المكونات: • خس • دجاج جاهز (مشوي أو مقلي أو بالقلاية الهوائية) • خبز تورتيلا • جبن بارميزان الصوص: • زبادي • ملعقة خردل • فص ثوم مهروس • عصير ليمونة • ملح وفلفل أسود • ملعقة مايونيز ياباني (اختياري) وبالعافية! - - - - - - - -#اكسبلور #اكسبلورexplore #الشعب_الصيني_ماله_حل😂😂 #fypシ゚ #foryoupage #وصفات #جوع_اخر_الليل #recipes #food #السعوديه🇸🇦 #ceasrsalad #healthy #viral #اندومي #سلطة #سيزر #ساندويتش #الخبر_الشرقيه #foryoupageofficiall #fyppppppppppppppppppppppp

شفت الوصفه هذه اكثر من مره وقلت لازم اجربها وطلعت لذيذه زي ماتوقعت - مكرونة بصوص البصل المكرمل المكونات: بصل شرايح، زبدة، زيت زيتون، صفار بيض، جبن بارميزان،، ملح، فلفل، مكرونة مسلوقة، بقدونس (اختياري) الطريقة: نكرمل البصل بزبدة على نار هادية. نخلطه مع الزيت، صفار البيض، الجبن، موية السلق ، بالخلاط لين يصير ناعم. نرجع الصوص على نار هادية علشان يستوي البيض، بعدين نضيف المكرونة مع شوية من موية السلق وملح وفلفل و نزينها بالبقدونس ونقدمها وعليكم بالف عافيه 💗 ⸻ - - - - - - - - -#اكسبلور #اكسبلورexplore #الشعب_الصيني_ماله_حل😂😂 #fypシ゚ #foryoupage #وصفات #جوع_اخر_الليل #recipes #food #السعوديه🇸🇦 #viral #باستا #باستا_سريعة #طبخ #الخبر_الشرقيه #foryoupageofficiall #اكلات_سريعة

التتبيلة رهيبه!💗 المقادير: • سمك سلمون (أو أي نوع سمك تفضلونه، التتبيلة تنفع لكل الاسماك ) • طماطم مقطعة • بصل مقطع • كزبرة • بقدونس • ملح، فلفل أسود، كمون • معجون طماطم • دبس رمان • عصير ليمون • زيت الطريقة: 1. أتبل السمك بجميع المكونات. 2. أدخله القلاية الهوائية على حرارة ١٨٠ لمدة ٢٥ دقيقة. — مكونات الصوص: • زبادي • عصير ليمون • ثوم • كزبرة • ملح وفلفل أسود طريقة التحضير: • أخلط كل المكونات مع بعض، وكذا يكون الصوص جاهز. — للتقديم: قدمت السمك مع رز، وسلطة، والصوص اللي سويته. وعليكم بألف عافية! — . . . . . . . #اكسبلور #اكسبلورexplore #fypシ゚ #foryoupage #الشعب_الصيني_ماله_حل😂😂 #جوع_اخر_الليل #وصفات #وجبات_صحيه #recipes #food #سمك #سمك_مشوي #سلمون #اطباق_سريعه #السعوديه🇸🇦 #الخبر_الشرقيه #اندومي #طبخ #salmon #lunch #غداء #عشاء #foryoupageofficiall #Recipe #foryoupage #viral #meals

. #اكسبلور #الشعب_الصيني_ماله_حل😂😂 #السعودية #وصفات #جوع_اخر_الليل #بطاطس #اكل #fyp #foryourpage #viral #food #Recipe #وصفات

وجبة لذيذذذه مع مشروب منعش !🍋‍🟩💗 المقادير: للبطاطس: • بطاطس مقطعة • موية للسلق • زيت للقلي • ملح للسمك: • فيليه سمك أبيض • طحين + نشاء • موية غازية • ملح، فلفل أسود، بابريكا، بودرة ثوم وبصل • زيت للقلي صوص الترتار: • زبادي يوناني • مايونيز • خردل • بصل، شبنت، ثوم • مخلل خيار • ليمون، ملح، فلفل • (نبات الكبر اختياري) ⸻ الطريقة: سلقت البطاطس ٧ دقايق، بعدين قليتها مرتين عشان تصير مقرمشة. نشفت السمك و تبلته بملح وفلفل، وغمسته بخليط الطحين والنشاء والبهارات، بعدين أضفت الموية الغازية على خليط الطحين وغمست السمك مرة ثانية وقليته. قليته أول شي على نار متوسطة ٨ -١٠ دقايق، ثم رفعت النار وخليته يتحمّر دقيقتين. خلطت مكونات صوص الترتار وقدّمته مع السمك والبطاطس. وعليكم بالف عافيه💗 طريقة الموهيتو ايس تي : هرست الليمون مع النعناع وملعقة صغيره سكر وشوية توت بعد كذا اضفت ثلج وايس تي ليمون وبس كان مررره منعش !💗 ⸻ #اكسبلور #اكسبلورexplore #fypシ゚ #foryoupage #الشعب_الصيني_ماله_حل😂😂 #جوع_اخر_الليل #وصفات #وجبات_صحيه #recipes #food #اطباق_سريعه #السعوديه🇸🇦 #الخبر_الشرقيه #الرياض #اندومي #فيش_اند_تشيبس #fishandchips #food #Recipe #foryoupageofficiall #fish #سمك #طبخ #viral

لذيذذه ! مقادير السلطة : خيار، بصل أخضر، بقدونس، رمان، برغل خشن، بصل، ثوم، معجون طماطم، معجون فليفلة، دبس رمان، عصير ليمون، ملح، فلفل أسود الطريقة: • نقطع الخضار ونخليها على جنب • ننقع البرغل بمويه حارة لين يستوي، ونضيفه للخضار • نشوح البصل والثوم، نضيف معجون الطماطم و الفليفلة ولما يتسبكون نطفي النار ونضيف دبس الرمان • نخلط الصوص مع السلطة ونعدل الطعم بليمون وملح وفلفل ⸻ لشيش طاووق: المكونات: صدور دجاج، زبادي، ثوم، معجون طماطم، معجون فليفلة، عصير ليمون، بصل بودرة، بابريكا، كمون، أوريغانو، ملح، فلفل أسود، زيت زيتون الطريقة: • نتبل الدجاج ونخليه يتتبل على الاقل نص ساعه • نحطه بأسياخ وندخله القلاية الهوائية ١٥ دقيقة على حرارة ١٨٠، ونرش عليه شوية زيت زيتون • وبس نقدمه مع السلطة وصوص زبادي بسيط على جنب وعليكم بالف عافيه❤️ . . . . . . . . . . . #اكسبلور #الشعب_الصيني_ماله_حل😂😂 #جوع_اخر_الليل #السعودية #وصفات #وجبات_صحيه #طبخ #غداء #سلطة #سلطات #دجاج_مشوي #شيش_طاووق #سلطة_البرغل #تبوله_ارميني #السعوديه🇸🇦 #fypシ゚ #foryoupage #viral #طبخ #اكلات_سريعة #foryoupageofficiall #food #اندومي

يسمون البطاطس هذه باتاتاس برافاس 🇪🇸طبعاً المكونات تأليف شوي من عندي وبلغلط حرقت البصل بسسس ✋🏻 طلعت لذيذه و هذا اهم شي ☝🏻 المقادير: • بطاطس مقطعة مربعات • فلفل • طماطم • بصل • ثوم • زيت زيتون • زيت للقلي • مايونيز • عصير ليمون • شوية سكر • بهارات: ملح، فلفل أسود، بابريكا، كمون • بقدونس للتزيين ⸻ الطريقة: ١. سلق البطاطس: أقطع البطاطس مربعات وأسلقها نص سلق تقريباً ٧ دقايق، بعدين أصفيها وأخليها تبرد. ٢. صوص البرافاس: في طاوة على النار، أحط زيت زيتون وأضيف البصل، الثوم، الفلفل، والطماطم بعد ما أقطعهم. أحط شوية سكر والبهارات، وأقلبهم لين تذبل المكونات. أنقل الخليط للخلاط، وأضيف شوية موية إذا احتاج، وأخلطهم كويس. أذوق الصوص، وإذا احتاج شوية ملح أو سكر أو عصرة ليمون أعدل عليه، وأخليه على جنب. ٣. صوص الأيولي: في زبدية، أخلط المايونيز مع عصير الليمون والملح والفلفل الأسود. أقلي كم فص ثوم بزيت على النار، بعدين أطلعه وأهرسه، وأضيفه على خليط المايونيز وأقلبهم. ٤. قلي البطاطس: في نفس الزيت اللي قليت فيه الثوم، أقلي البطاطس مرتين بعد ما تبرد، عشان تصير مقرمشة وذهبية. ٥. التقديم: أحط البطاطس في صحن التقديم، وأضيف فوقها صوص البرافاس، بعدين صوص الأيولي. أزين ببقدونس وأعصر شوية ليمون على الوجه. وعليكم بالف عافيه 💗 . . . . . . . . . #اكسبلور #الشعب_الصيني_ماله_حل😂😂 #جوع_اخر_الليل #السعودية #وصفات #بطاطس #بطاطس_مقرمشه #باتاتاس_برافاس #اسبانيا #الشرقية #جده #الرياض #اندومي #fypシ #foryou #foryourpage #Recipe #patatsbravas #food #viral

#اكسبلور #اكسبلورexplore #الشعب_الصيني_ماله_حل😂😂 #جوع_اخر_الليل #وصفات #fypシ゚ #foryoupage #السعوديه🇸🇦 #recipes #viral #طبخ #وجبات_صحيه #غداء #غداء_سريع #عشاء #اكلات_سريعة #اندومي #foryou #الرياض #الشرقية_الخبر_الدمام

#اكسبلور #اكسبلورexplore #fypシ゚ #foryoupage #الشعب_الصيني_ماله_حل😂😂 #جوع_اخر_الليل #وصفات #وجبات_صحيه #recipes #food #السعوديه🇸🇦 #viral #اندومي #طبخ #viral #foryou

مادري اذا اقدر اعتبرها وصفه؟ بس مره لذيذه!❤️ المقادير: • أندومي أبيض • بصل أخضر • ثوم • معجون فلفل بارد • معجون طماطم • صويا صوص مالحة • كريمة طبخ • بيض مسلوق • سمسم + بصل أخضر + الزيت الحار (chilli oil) (للتزيين) الطريقة: شوّحت البصل الأخضر والثوم، أضفت معجون الفلفل ومعجون الطماطم وقلّبتهم صبيت موية مغلية، وضفت الأندومي مع بهاراته وكيس الصويا اللي يجي معه ، واضفت شوي صويا صوص زياده وكريمة تركته على النار لين استوى وبعدين قدّمته مع بيض مسلوق، رشة سمسم، بصل أخضر، وchilli oil وعليكم بالف عافيه💗 . . . . . . . . . . . #اكسبلور #الشعب_الصيني_ماله_حل😂😂 #جوع_اخر_الليل #السعودية #حلا #اندومي #اندومي🍜 #اندومي_بطريقتي #وصفات #طبخ #السعوديه🇸🇦 #fypシ゚ #foryoupage #viral #Recipe #وجبات_صحيه #رامن #ramen #recpie #foryou

سناك لذيذذ مره !! 💗 طلبت المنتجات هذه كلها من نينجا وموجودين بعد في تطبيقات التوصيل الثانيه (اعلان) المكونات: • صوص جبن شيدر من فريتو لاي • كريمة طبخ • شيبس رافلز (نكهة الكريمة الحامضة والبصل) • صوص سالسا من توستيوس • صوص بصل فرنسي من ليز • زبادي • بصل أخضر • هلابينو ⸻ الطريقة: سخّنت صوص الجبن وخففته بشوي كريمة، وتركته يبرد شوي قبل مااحطه على الشيبس علشان مايذبل خففت صوص البصل بشوية زبادي ( اختياري) حطيت طبقة من شيبس بعدها صوص الجبن اللي سخنته صوص السالسا وصوص البصل كررت الطبقات واخر شي رشة بصل الأخضر والهلابينو وعليكم بالف عافيه اتعب وانا اقول لذيذ !❤️ #فريتولاي #سناك #صوصات_سهلة #fritolay . . #اكسبلور #الشعب_الصيني_ماله_حل😂😂 #جوع_اخر_الليل #السعودية #وصفات #سناك #ديب #تغميسه #ناتشوز #viral #foryou #fypシ゚ #snack #chips #اندومي

الشكل ماطلع زي ما كان ببالي خصوصاً الكريمة!! 🫠بس عادي مايخالف أهم شي جربت شي جديد وكل يوم قاعده احاول أتعلم اصير افضل على الرغم من ان السنة هذه كانت مليانة اخطاء كثيره سويتها بس بعد كانت مليانة دروس تعلمتها مو بس بالطبخ حتى بالحياة والجميل بالموضوع اني مو ندمانة على اي شي فات لانه كل شي صار حتى لو كان سيء كان سبب بأني اوصل للنسخه هذه من نفسي حالياً والحمدلله دائماً على كل شي 🩷 وبس والله اتمنى إن سنتي الجديدة تكون بداية عوض جميل لي ولكم يارب عن كل شي صعب مرّينا فيه نستاهل السعاده ونستاهل كل شي جميل بالحياه ومااعرف ليش فجاءه قلب الوضع فضفضه بسسس هذه الوصفه جربوها مره لذيذذذذه ! 🎂 المقادير: 🔹 المكونات الجافة: – ¾ كوب + 1 م ك دقيق – ¾ كوب + 2 م ك سكر – ⅓ كوب كاكاو – 1 م ص بيكنغ صودا – ½ م ص بيكنغ باودر – ½ م ص ملح 🔹 المكونات السائلة: – ½ كوب لبن رايب buttermilk (نص كوب حليب + 1½ م ص خل، يُترك 10 دقايق) – ¼ كوب زيت – 1 بيضة – 1 م ص فانيليا – ½ كوب قهوة أو موية ساخنة ⸻ الطريقة: – نشغل الفرن على 175 ونجهز القالب – نخلط المكونات الجافه، نضيف السوايل، ثم القهوة – نصب الخليط ونخبز 30–35 دقيقة – نتركها تبرد تمامًا كريمة الجبن: – نخفق صبع زبدة لين تصير كريمية – نضيف علبة جبن كريمي + علبة حليب محلى ونخفق كويس – ندخلها الثلاجة تبرد التزيين: - - شربت الكيكة بشوية حليب شوكولاته و نزين الكيكة بالكريمة والتوت الأحمر والأسود وبس عليكم بالف عافيه🩷 . . . #اكسبلور #الشعب_الصيني_ماله_حل😂😂 #السعودية #كيكة #وصفات #fypシ#كيكة #viral #جوع_اخر_الليل #الشرقية #جده #الرياض #صيف #وصفاتday #fyp #اكل #foryourpage